«Ĕçе вĕренни – пурнăç пурăнма вĕренни»,- тенĕ ĕмĕртен халăхра.Килĕшнĕ ĕçе суйласси  вара – питĕ кăткăс утăм. Мĕнле професси суйламалла, ăçта вĕренме каймалла?

       Çакăн пек чухне тĕрлĕ вĕренÿ заведенийĕсен йыхравĕ питĕ пысăк пĕлтерĕшлĕ. И.Н.Ульянов ячĕпе хисепленекен Чăваш  патшалăх университетĕнче паллă самант – Уçă алăксен кунĕ.

         10 тата 11 классем университетпа паллашма Шупашкаралла çул тытрăмăр. Вĕренÿ заведенийĕ пире ăшă кăмăлпа   кĕтсе илчĕ: студент волонерсем ĕç йĕркипе паллаштарчĕç: Информатика тата шутлав техники, Радиоэлектроника тата автоматика, Энергетика тата электротехника  факультечĕсен пурнаçĕ çинчен  тĕплĕн хавхалануллă пĕлтерчĕс, квест-амăртура студент пурнăçĕпе пурăнма май туса пачĕç. Университет музейĕ те  кăмăла кайрĕ. Тĕл пулу усăллă иртрĕ.