Иртни хыçа юлать,

малашлăх шухăшлаттарать.

Каларăш.

          Кун хыççăн кун иртет, эрне, уйăх,  çулсем…Эпир аслă класра вĕренетпĕр, вуннăмĕшсем…

          Çĕнĕлĕхе пуянлатасси, сăмах  илемне тарăнрах туясси, тăван халăхăн йăли-йĕркине типтерлĕн сыхласа хăварма тăрăшни – пĕтĕмĕшпех библиотекăпа тачă çыхăннă. Ырă шухăшсем çавра сĕтел хушшине йыхравларĕç.

           Библиотека ертÿçи, Аэлита Юрьевна, çĕнĕ хаçат-журналпа паллаштарчĕ, Чăваш кĕнеке издательстви кăларнă илĕртÿллĕ кĕнекесене илме сĕнчĕ, çамрăксен ĕçлес-вĕренес кăмăлне хавхалантарчĕ…

          Вуннăмĕшсем сăвăсем  вуларăмăр, пурнăçри тĕлĕнтермĕшсем çинчен каласа патăмăр,кĕнекесем илтĕмĕр…

          Хамăрăн тăван ен историне манар мар, тĕпчер ăна!

           Чăваш халăхĕн çитĕнĕвĕсемпе савăнса мăнаçланар, вĕсене тата пуянлатар!