Çĕр планетăмăр çинче, аслă тĕнче хÿттинче тĕрлĕ халăх пурăнать, тĕрлĕ-тĕрлĕ чĕлхепе пурнăç тытса кун кунлать. Çав чĕлхесен хушшинче тăван чĕлхе чи пахи, чуна çывăхтараххи, чи сапăртараххи. Чăваш чĕлхи хÿттипе , унăн ырă ячĕпе аслă ăрăвăн ăшшине, йăли-йĕркин тĕшшине, ăс пурлăхĕн пĕлĕвне эпир ăша хыватпăр, пуян чунлă пулатпăр.

      «Шкул пики- 2022» савăнăçлă ăмăртура хĕр упраçсем хăйсен пултарулăхне кăтартрĕç: çепĕççĕн  паллаштарчĕç, вальс илĕртÿллĕн çаврăнчĕç, пилеш кайăкĕсем çинчен юрă шăрантарчĕç, И.Я.Яковлев пултарулăхне тишкерчĕç,  тăрăшса тÿме лартрĕç.

       10 – мĕш класри Кирпичникова Кристина – «Чи пултарулли» номинаци çĕнтерÿçи, 8-мĕш класри Волкова Ульяна «Чи сăпайли» номинацире малти ретре, 9-мĕш класри Васильева Анастасия- «Чи ăсти» номинацире пĕрремĕш вырăнта. Маттур, хĕрсем! Саламлатпăр!

         Ыр чĕлхемĕр, тав сана, ĕмĕр-ĕмĕр сыв пулма иксĕлми хăват сана!