Ачасен шухăшлавĕ  çине Чăваш Республикинче  питĕ тимлĕн пăхаççĕ. Çамрăксене наука, техника енне явăçтарас тесе, пуласлăх технологийĕ çине тимлĕрех пăхтарас тесе  тĕрлĕ ĕçсем туса ирттереççĕ .

    6 классем «2035 çулхи транспорт»  темăпа класс сехечĕ ирттерчĕç. Хаваслă  самант диспут евĕрлĕ  иртрĕ.

    Смирнов Виталий электричество хăвачĕпе ĕçлекен машинăсем çинчен каласа пачĕ. Соловьева Дарья  сывлăш транспорчĕ хĕвел вăйĕпе  вĕçесси  çинчен тĕлĕнмелле лайăх тĕслĕхсем тупса пурне те хавхалантарчĕ.  Пикусов Роман  хăйĕн калаçăвĕнче ĕç машинисем  вăй-хăватне ÿсен-тăранран пухассине çирĕплетрĕ.  Пурне те 2035  çулхи пуласлăх  кăткăслантарчĕ.

    Тĕлĕнмелле малашлăх! Мĕнле пулăн-ши?