Чĕлхе халăха пĕрлештерет, ăна телейлĕ пĕрлĕх пулма май парать. Каланине шута илсен, кирек камăн та тăван чĕлхине юратса, хисеплесе сума сумалла, асамлă тăван чĕлхине хăйĕн мулĕ-тупри пек хакламалла. Халăх ан пĕттĕр, ан çухалтăр тени вăл -тăван чĕлхене аталантарниех.
Ака уйăхĕн 25-мĕшĕнче Чăваш чĕлхин кунне тата И.Я.Яковлев çуралнă куна анлăн уявлаççĕ.
И.Я.Яковлев çуралнăранпа 170 çул çитнине халалласа «Илемлĕ чăваш чĕлхи» темăпа сăмах хутаççине пуянлатас тесе çавра сĕтел хушшине 5,7 классем пухăнчĕç. Хутăш икĕ ушкăн йĕркелерĕç: «Чăвашсем», «Çăлтăрсем».
Вĕренекенсем хăйсем ăста пулнине тĕрлĕ ĕçсенче кăтартрĕç: «Чăваш Улăпĕ»презентаци пăхрĕç, вĕрентекенĕмĕрĕн кун-çулĕпе паллашрĕç,калавĕсем тăрăх викторина ирттерчĕç, мыскараллă сценкăсемпе савăнтарчĕç.
Хĕрÿ ĕçре пултаруллисем палăрчĕç: 79 балл пухса «Çăлтăрсем» команда çĕнтерчĕ. Викторинăра вара Иванова Екатерина (5кл.) малти вырăна тухрĕ, унтан Васильева Аэлита (7 кл.) инçех юлмарĕ; Пикусов Роман (5 кл.), Мокеева Ксения (7 кл.),Соловьева Дарья (5 кл.) виççĕмĕшсем пулчĕç.
Маттурсем!!! Уяв ячĕпе пурне те!